|| MeenaKon Blog ||

طبعا الكل شاف الهاكرز وفي بعضكم ضاق خلقة

 ما ادري شنو اقول لكم .. اهي حركة بايخة بس لازم اسويها عشان شهر ابريل وجذبة ابريل

انا كنت ابي اسويها باول يوم من الشهر بس فكرت لو سويتها راح تشكون في الجذبة فاجلتها لي اخر الشهر

 طبعا اتاسف لشخص شخص على هالمقلب البايخ والثقيل ..بس لازم اسوي اكشن شوية وخاصة هالشهر .. وسكرت البلوق الساعة 9 يوم الخميس الموافق 29-4-2010 وقلت بخلية يوم كامل والساعة 12 ان شاءالله اردة وطول الفترة الي تسكر فيها البلوق كانت توصلني رسايل من البي بي وياني جم اتصال وبسجل الزوار تلقيت رسالة  وكنت مسوية نفسي وايد مضايقة .. بس الحمدالله قدرت شوية اخليهم يصدقون وراح اعرض الي وصلني من الرسايل بالبي بي واشكرهم شكر خاص خاص على سؤالهم والله لا يرحمني منهم

صاحب منتدى رويشد 

 صاحبة قروب ناني  المتخصص فقط للبنات

اخوي وصديقي قروب نساي

 

Redbull Groupقروب

وهذي رسالة شوية نرفزتني يتني من اخوي وصديقي قروب نساي
راح انشر كلامها الي دار مع بعض الكلام الي محتفظة فية وغير قابل للنشر    

انا للاسف ما اعرفها شخصيا بس لازم ارد عليهاا

طويلة العمر اختي الغالية .. الكلام وايد نرفزني وما توقعت ان في سنة 2010 هناك ناس
لا تعلم معنى الهاكرز او طريقة التعامل معاه او شلون يخترق الجهاز او يكون لها
معلومات عامة عن الهكرز

حبيبتي انتي عمر الموقع ما يدخل على اي شخص بالجهاز تاكدي مني بامكان الهاكز يدخل على الشخص في الحالات  التالية  

 والعديد من الامتدادات   Zip . flsh .exe .mp3 .ram .rm عبر ارسال ملف امتدادة    
 
عبر الايميل من خلال تحميل ملف مجهول 

عبر الايميل من خلال وضع لنك مزروع فية ثغرة 

وهناك العديد من الوسائل بس تاكدي ان اخوي نساي صاحب اكبر قروب
والاشهر بالكويت لا يمكن ان يضع لنك او يرسل هكرز يدخل على اجهزة الناس لانة اولا انسان
محترم وثانيا ضميرة لا يسمح له بهذي الاشياء .. فرجاءا الكلام كان متسرع منج
على هالشخص.. وللعلم اي موقع تدخلينة وكان فية هكرز ما يقدر يدخل جهازج الى اذا كان
جهازج غير محمي .. او اذا عندج باتش مفتوح بجهازج .. 

فانتي بهذي اللحظة تسرعتي بالقرار على شخص مالة ذنب .. ومع هذا خسرتي احلى قروب فالله يهديج على هالكلام الي دار ..واتمنى تعيدين النظر في نفسك وتتثقفين بالمعلومات الواجب تعرفينها بالحياه 

وجذي اشكر 300 زائر امس دخلو البلوق وانا اتاسف لكم شخص شخص على هالمقلب البايخ
وانتظروني اذا الله احيانا السنة الياية مع مقلب اخر 

وانتظر ردورد كم ..

احبكم مووووووووت